Google ADS

Trupat letoneze të KFOR-it kryejnë patrullime në Zubin Potok

13:29 | 10 Nëntor 2024
E.G

Ushtarët letonezë të caktuar në Komandën Rajonale Lindje të misionit të NATO-s, KFOR, kanë kryer patrulla rutinë në Zubin Potok, në bashkëpunim me pjesëtarët e Policisë së Kosovës.

Në njoftimin për media thuhet se këto përpjekje janë pjesë e misionit të përditshëm të KFOR-it për të garantuar një mjedis të sigurt për të gjitha komunitetet në Kosovë, shkruan Arbresh.info.

“KFOR-i vazhdon të zbatojë mandatin e tij, të bazuar në Rezolutën 1244 të Këshillit të Sigurimit të OKB-së të vitit 1999, duke ofruar një ambient të sigurt dhe liri lëvizjeje për të gjitha komunitetet që jetojnë në Kosovë, në çdo kohë dhe në mënyrë të paanshme” thuhet në njoftim.

KFOR-i vepron si forca e tretë e sigurisë, pas Policisë së Kosovës dhe misionit të BE-së për Sundimin e Ligjit (EULEX), me të cilët bashkëpunon ngushtë për të siguruar stabilitetin e rajonit. /Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm